एमाले नेतृ एवं अभिनेतृ करिश्मा मानन्धरले पार्टी छाड्ने तयारी गरेकी छन् ।प्रतिनिधिसभा र प्रदेशसभा निर्वाचनमा टिकट नदिएपछि असन्तुष्ट उनले पार्टी छाड्न लागेकी हुन् । सामाजिक सञ्जाल फेसबुकमार्फत उनले टिकट नपाएकोमा असन्तुष्टि पोखेकी छन् । ‘विद्रोह नगर्ने स्वभाव रह्यो । नगर्दा पनि भगवानले सबै दिए ।
तर आज महसुस हुँदै छ ११ बन्द कोठामा बस्नुभन्दा बाहिर निस्केर श्वास फेर्नु राम्रो ।’ तत्कालीन नयाँ शक्तिकी केन्द्रीय सदस्य करिश्मा ८ चैत २०७८ मा धुमधामसँग एमाले प्रवेश गरेकी थिइन् ।