नेपाली बक्स अफिसमा आक्रामक व्यापारलाई निरन्तरता दिइरहेको फिल्म ‘२ नम्बरी’को एक साताको बक्स अफिस कलेक्शन सार्वजनिक भएको छ । यो फिल्मले रिलिजको ८ दिनमा बक्स अफिसमा ४ करोड ४५ लाख ग्रस कलेक्शन गरेको निर्माणपक्षले सार्वजनिक गरेको आँकडामा उल्लेख छ ।
जस अन्र्तगत, यो फिल्मको टिमले हरेक शहरको कलेक्शन समेत सार्वजनिक गरेको छ । जसअन्र्तगत, यो फिल्मले काठमाडौंमा २ करोड २० लाख ग्रस कलेक्शन गरेको छ । फिल्मले चितवनमा ५० लाख, पोखरामा ३० लाख, बुटवलमा २३ लाख, इटहरीमा २२ लाख, नेपालगञ्जमा १५ लाख, दमकमा १५ लाख, बिर्तामोडमा १४ लाख, विराटनगरमा १२ लाख, हेटौडामा १० लाख, धनगढीमा १० लाख, धरानमा ५ लाख, सुर्खेतमा ४ लाखको ग्रस कलेक्शन गरेको छ । यस्तै, अन्य विभिन्न हलबाट फिल्मले १५ लाख ग्रस कलेक्शन गरेको बताइएको छ ।
निर्माता किरण नेपालीले फिल्मबाट मुनाफा प्राप्त भैसकेको बताएका छन् । दीपेन्द्र लामाको लेखन तथा निर्देशनमा तयार भएको फिल्ममा दयाहाङ राई, सौगात मल्ल, उपासना सिंह ठकुरी, उगेन छोदेन, बुद्दि तामाङ लगायतका कलाकारको अभिनय छ । फिल्मको कथावस्तुलाई दर्शकले रुचाएका छन् ।