फिल्म ‘सम्हालिन्छ कहिले मन’ को प्रतिक्रिया औसत भए पनि यही फिल्मबाट अभिनयमा डेब्यु गरेका सोनम तोप्देनले दर्शकको ध्यान तान्न सफल देखिए।नयाँ कलाकार भए पनि उनले खारिएका भनिएका कलाकारलाई अभिनयमा फिक्का बनाइदिएका छन्।
फिल्ममा सोनमको अभिनयका अगाडि आकाश श्रेष्ठ निकै कमजोर देखिएका छन् । अभिनयका हिसाबले उनले नै फिल्म बोकेको देखिन्छ।फिल्म हेर्न हलमा पुगेकी गायिका आनी छोइङ डोल्माले त सोनमलाई नेपाली फिल्म क्षेत्रको अबको ‘सितारा’ भनेर प्रशंसा गरेकी थिइन्।
आफ्नो छोरा अनमोल केसीका उमेर समूहका कलाकारको प्रशंसा गर्न हच्किने चलचित्र विकास बोर्डका अध्यक्ष तथा निर्देशक भुवन केसीले समेत उनलाई नेपाली फिल्मले नयाँ स्टार भनेर प्रशंसा गरेपछि उनको अभिनयमा पक्कै दम त छ नै।
उनी भारतीय मूलका तिब्बतीय गायक हुन्। उनी कभर गीतहरू गाएर चर्चामा आएका थिए। उनले यही फिल्ममा गीत पनि गाएका छन्। उनको स्वरले पनि निकै प्रशंसा पाइरहेको छ ।