काठमाडौं । नायक सविन श्रेष्ठले मरणोपरान्त आँखा दान गर्ने भएका छन् । नायक सबिनले तिलगंगा आँखा अस्पतालमा पुगेर उनले आँखा दान गर्ने पत्रमा हस्ताक्षर गर्दै सहमती जनाएका हुन् । स्वेच्छाले आँखा दान गर्ने निर्णय गरेका सविनलाई नेत्र चिकित्सकले धन्यवाद दिँदै उनलाई अस्पतालले प्रशंसा पत्र पनि प्रदान गरेको छ ।
मरणोपरान्त आँखा दान गर्ने निर्णसँगै सबिनले भने मेरो त मिले मिर्गौला र मुटु पनि दान गर्ने इच्छा छ । मिर्गौला र मुटु पनि दान गर्ने विषयमा केही अस्पतालसँग सल्लाह भरहेको सबिनले जानकारी दिए ।
उनले पछिल्लो समय काठमाडौंका सार्वजनिक शौचालयमा महिला प्रयोगकर्ताको लागि स्यानिटरी प्याडको व्यवस्था गरेका थिए । अन्दाज, हिरो रिटन्र्स, म, साजन, धन्दागिरी, रामप्यारी, लिलिबिली, लगायतका फिल्ममा काम गरेका सबिन पछिल्ला दिनमा भने अभिनयमा त्यति सक्रिय भने छैनन् ।