झापामा मोटरसाइकल दुर्घटनामा परेर दुई जनाको निधन भएको छ ।
बिर्तामोड नगरपालिका-२ बेलडाँगी स्थित दक्षिण बाट उत्तर तर्फ आउँदै गरेको मे५प १६०४ न.को मोटरसाइकल र बिपरित दिशा बाट जाँदै गरेको मे३प ५५८० न.को मोटरसाइकल एक आपसमा ठक्कर खाई दुर्घटना हुँदा चालकसहित चार जना घाइते भएका थिए ।
मे ३ प ५५८० न.को मोटरसाइकल चालक बाह्रदशी गाउपालिका-२ बस्ने बर्ष २५ को अनिस साउदेन र मे ५ प १६०४ न.को मोटरसाइकल चालक बाह्रदशी-६ बस्ने बर्ष ४३ को भोलाराज भुजेल र उनीसँगै रहेकी श्रीमती ४२ वर्षीया चन्द्रकला भुजेल, नौँ वर्षिया छोरी प्रशना भुजेल घाइते भएको झापा प्रहरी प्रवक्ता डिएसपी बसन्त पाठकले केटिएम दैनिकलाई बताए ।
घाइतेहरूको बि एण्ड सी हस्पिटलमा उपचार गराउने क्रममा दुवै मोटरसाइकल चालकको निधन भएको डिएसपी पाठकले बताए ।
मृतक भुजेलकी श्रीमती र छोरीको उपचार भइरहेको उनीहरूलाई थप उपचारको लागि बिर्तासिटी अस्पताल लगिएको इलाका प्रहरी कार्यालय अनारमनीले जनाएको छ । प्रहरीले दुवै सवारी साधनलाई नियन्त्रणमा लिएको जनाएको छ ।