काठमाडौं । आगामी मंसिर ४ मा हुने प्रतिनिधि सभा र प्रदेश सभा निर्वाचनका लागि दलहरूले आ–आफ्ना उम्मेदवार छानेका छन् । कतिपय ठाउँमा स्वतन्त्र उम्मेदवारहरू पनि अगाडि आए । पार्टीहरूले उम्मेदवार बनाएका केही व्यक्तिहरू सामाजिक सञ्जालमा चर्चाको विषय पनि बन्दैछन् ।
यतिबेला धादिङ्गको चर्चा भइरहेको छ । धादिङ्ग १ बाट पहिलो कमेडी च्याम्पियन हिमेश पन्त सञ्चारकर्मी समेत रहनु भएका रवि लामिछाने नेतृत्वको राष्ट्रिय स्वतन्त्र पार्टीबाट प्रतिनिधि सभामा उम्मेदवार बन्नु भएको छ ।
पार्टीले पन्तलाई आगामी मंसिर ४ गते हुने प्रत्यक्ष तर्फको निर्वाचनमा धादिङ क्षेत्र नम्बर १ बाट उम्मेदवार बनाएको हो । यसबीच सोही जिल्लाको क्षेत्र नम्बर २ बाट समानुपातिक उम्मेदवार बन्नु भएकी शान्ता तामाङ्ग पनि यतिबेला चर्चामा आउनु भएको छ ।
नेपाली कांग्रेसले उहाँलाई आदिवासि जनजाति महिला समानुपातिक प्रदेश ख क्षेत्र नम्बर २ बाट उम्मेदवार बनाएको हो । उहाँ यसअघि मिसेस नेपाल आइकन २०१५ जुम्बा रानी २०१४, नायिका हिमालकी रानी भइसक्नु भएको छ ।
पछिल्लो समय तामाङ्ग मोडलिङ,ब्युटिशियनको काममा व्यस्त रहने गर्नुभएको छ । यतिबेला उहाँका उत्तेजक र छाडा खालका भिडियोहरू सामाजिक सञ्जालमा भाइरल हुँदैछन् । कस्तोलाई उम्मेदवार बनाएको भन्दै कांग्रेस नेतृत्वको खिल्ली उडाउने काम हुँदैछ ।
