काठमाडौं -नेकपा माओवादी केन्द्रका अध्यक्ष पुष्पकमल दाहाल’प्रचण्ड’की पत्नी सीता दाहाल अस्पताल भर्ना भएकी छन् । उनको स्वास्थमा पुन समस्या देखिएपछि उनी अस्पताल भर्ना गरिएको बताइएको छ ।उनको ललितपुरको मेडिसीटी अस्पतालमा उपचार भइरहेको बताइएको छ । उनको अहिले आइसीयूमा राखेर उपचार भइरहेको परिवाारिक स्रोतले जनाएको छ ।
उनी लामो समयदेखि पार्किन्सन जस्तै लक्षण भएको प्रोग्रेसिभ सुप्रान्युक्लियर पाल्सी (पीएसपी) रोगले ग्रस्त छिन्।
पिएसपी दुर्लभ खालको रोग हो। यो रोग एक लाख मानिसमध्ये ५-६ जनामा मात्र देखिन्छ। के कारणले यो रोग लाग्छ भन्ने अहिलेसम्म पत्ता लागेको छैन।वैज्ञानिकहरू पिएसपीबारे अध्ययनकै क्रममा छन्।