पाका अभिनेता रामचन्द्र अधिकारीको स्वास्थ्य अवस्थालाई लिएर अफवाह फैलिएपछि उनले दुःख व्यक्त गरेका छन् । आफ्नो निधनको हल्ला फैलाएर परिवार र शुभचिन्तकलाई दुःख दिने काम गरेको भन्दै अधिकारीले आपत्ति व्यक्त गरेका छन् ।
‘म ठीक छु र केही दिनमा डिस्चार्ज हुन्छु,’ अधिकारीले भने, ‘गलत हल्ला फैलिंदा यसले मेरो परिवार र आफन्तलाई गाह्रो भएको छ । कृपया त्यस्तो नगर्नुहोला ।’
कलाकार संघको टोली बुधबार चावहिलस्थित मेडिकेयर अस्पतालमा पुगेर अधिकारीलाई भेटेको थियो । ‘उहाँको अवस्थामा सुधार भइरहेको छ र केही दिनमै डिस्चार्ज हुने तयारी छ,’ भेटपछि अभिनेता गोपाल ढकालले जानकारी दिए ।