काठमाडौँ – नेपाली चलचित्र क्षेत्रका सफल नायक अनमोल केसीले तिहारको अन्तिम दिन भाइटिका लगाएका छन् । उनले, आफ्नो काकाकी छोरीसँग भाइटिका लगाएका हुन् । उनले बहिनी प्रान्सु केसीसँग सिनामंगलमा भाइटिका लगाएका छन् ।
अनमोलको भाइटिकाका क्रममा ठूलो परिवार जम्मा हुने गर्दथ्यो । तर, यसपटक उनका पिता भूवन केसी अमेरिकामा छन् । यस्तै, दिदी काजोल पनि अमेरिकाबाट नआएका कारण अनमोलले प्रान्सुसँग मात्र टिका लगाएका हुन् ।
अनमोलले अर्की बहिनी रुबीसँग पनि भाइटिका लगाउँदै आएका थिए । तर, रुवी पनि अष्ट्रेलिया भएका कारण यसपटक अनमोलको भाइटिकामा ठूलो चहलपहल भएन । कामको कुरा गर्नुपर्दा अनमोल चलचित्र ‘छड्के २’को छायांकनमा व्यस्त छन् । यो चलचित्रको छायांकन सकिए लगतै उनले अर्को चलचित्र ‘जेरी २’मा काम गर्नेछन् ।
नेपाली चलचित्र क्षेत्रका कलाकारहरुले पनि यस पर्वलाई धुमधामका साथ मनाएका छन्। नायिका केकी अधिकारीले आफ्नो दाजुभाइसँग टीकापछिको रमाइलो सामाजिक सञ्जालमा सेयर गरेकी छिन्। बिहेपछिको यो उनको पहिलो भाइटीका हो।
नायिका वर्षा राउतले पनि आफ्ना भाइहरु कौशल राउत र सफल राउतसँग भाइटीका लगाएको फोटो इन्स्टामा सेयर गरेकी छिन्। निर्देशक दीपाश्री निरौलाले विराटनगर पुगेर आफ्नो दाजुभाइलाई टीका लगाइदिएकी छिन्। निरौलाले भाइटीकाका सटहरु फेसबुकमा सेयर गरेकी छिन्।
नायक अनमोल केसीले आफ्नी काकाकी छोरी प्रिन्सु केसीसँग सिनामंगलमा टिका लगाएका छन्। चुनावी दौडमा रहेकी नायिका रेखा थापाले मोरङमै टीका लगाएकी छिन्। उनले आफ्नो फोटोहरु फेसबुकमा सेयर गरेकी छिन्।
निर्देशक दीपकराज गिरीले पनि आफ्नो भाइटीकालाई सामाजिक सञ्जालमा सेयर गरेका छन्। गायक प्रमोद खरेलले पनि आफ्नो भाइटीकालाई फेसबुकमा सेयर गरेका छन्।