काठमाडौं । अर्घाखाँचीमा म्यादी प्रहरीले टिकटक बनाउन तथा सामाजिक सञ्जालमा भिडियोहरु राख्न नपाउने भएका छन् ।
आउँदो मंसिर ४ गते हुन लागेको प्रतिनिधि सभा र प्रदेश सभा निर्वाचनका लागि अर्घाखाँचीमा खटिने म्यादि प्रहरीले पोसाकको दुरुपयोग गरि भिडियो तस्विर राख्न नपाउने भएका हुन् । निर्देशन नमाने कारबाही गर्ने प्रहरी नायक उपरीक्षक मुकुन्द रिजालले जानकारी दिनुभयो ।
तीन नगरपालिका र तीन गाउँपालिका रहेको अर्घाखाँचीमा १ हजार १ जना म्यादी प्रहरी चुनावको लागि सुरक्षामा खटिने छन् ।
सदरमुकाम सन्धिखर्कमा १० दिन सम्मको तालिम लिई चुनावको लागि खटिन लागेका म्यादी प्रहरीलाई कुनै राजनीतिक दलमा आस्था नराखी सुरक्षामा खट्न प्रमुख जिल्ला अधिकारी शसिधर घिमिरेले आग्रह गर्नुभयो । उहाँका अनुसार कुनै पनि सुरक्षाकर्मीले सो विधि अपनाएमा कारण अनुसार कारबाही गरिने बताउनु भएको छ ।