सिड्नी/ नयाँ वर्षको दिन सिड्नीको वाट्सन वेमा एक नेपाली युवती मृत अवस्था भेटिएका छन् । सिड्नीको नेपाल महावाणिज्यदुत दिपक खड्का अनुसार निधन हुनेमा २२ वर्षिय प्रनिता श्रेष्ठ हुन् । न्यु साउथ वेल्स प्रहरीले घटनाको अनुसन्धान गरिरहेको तथा पोष्टमार्टमको प्रकृया सुरु भइसकेकाले यस बारे थप विवरण दिन नमिल्ने नेपालट्युबलाई जानकारी गराएको छ ।
नेपालट्युबले नेपालस्थित मृतकको आमा र सिड्नीस्थित सानी आमा (आमाकी बहिनी )संग सम्पर्क गरिसकेको छ । परिवारका सदस्यहरुका अनुसार मृतक प्रनिता निकै मिलनसार र सहयोगी स्वभावको हुनुहुन्थ्यो । प्रनिताको शव नेपाल पठाउन सानी आमा श्वेता थापाले गोफण्डमी मार्फत सहयोग संकलन सुरु गर्नु भएको छ ।
नेपालमा परिवारको आर्थिक अवस्था कमजोर रहेको तथा शव पठाउन १० हजार डलर खर्च हुने भएकाले सहयोग संकलन गरिएको श्वेताले बताउनुभयो । यो दुखको घडीमा सबै मिलेर सहयोग गरिदिन स्वेताले अनुरोध गर्नुभएको छ ।
सहयोग संकलन गर्न गैर आवासिय नेपाली संघ न्युसाउथ वेल्सले समेत सघाउने संयोजक देव गुरुङले जानकारी दिनुभयो । अष्ट्रेलियामा हुनुहुन्छ र मानसिक तनावमा हुनुहुन्छ भने लाइफ लाइनको १३१११४ मा अहिले नै फोन गर्नुहोस् । यो सेवा निशुल्क उपलब्ध छ ।