काठमाडौं । आमाले नुहाउन भनेपछि रिसाएका छोराले प्रहरी बोलाएका छन् । इमर्जेन्सी कल आएपछि बालकको घर पुगेको प्रहरीले पनि सबै घटना थाहा पाएपछि आफ्नो हाँसो रोक्न सकेनन् । भारतको उत्तर प्रदेशको हापुड जिल्लाको एउटा गाउँमा नौ वर्षीय बालकले ११२ मा फोन गरेर प्रहरीलाई खबर गरेका हुन् ।
प्रहरी बालकको घरमा पुगेर सम्पूर्ण घटना थाहा पाएपछि डायल ११२ का कर्मचारी पनि हाँसे । वास्तवमा बच्चालाई आमासँग गुनासो थियो किनभने उनकी आमाले उनलाई यति चिसोमा नुहाउन भनेकी थिइन्। फोन आएपछि प्रहरी गाउँ पुग्दा नौ वर्षीय बालकले फोन गरेको थाहा पाए ।
पहिले आमाबुवाले बालकलाई उनले चाहेको स्टाइलमा कपाल काट्न दिएका थिएनन् । त्यसमाथि अहिले यो चिसोमा नुहाउन भनेपछि त बालकको रिसले पारो तात्यो अनि बालकले रिसाएर प्रहरीलाई फोन गरेका थिए । बाबुआमाले बारम्बार नुहाउन भनिरहेका थिए, त्यसैले बच्चाले ११२ मा फोन गरेर प्रहरी बोलाए ।
जब पुलिसले सबै कुरा थाहा पाए तब बच्चालाई राम्ररी बुझाए र नुहाउँदा शरीर स्वस्थ रहने भएकाले बुबाआमाले तिम्रो भलोको लागि यसो भनिरहेको बताए । बालकले कुनै न कुनै रूपमा प्रहरीको कुरामा राजी भए र आफ्नो रिस त्यागे। जसले यो खबर सुने, उसको हाँसेर हालत खराब भयो ।
यो पनि – मंगलबार अमेरिकी डलरको भाउ घटेको छ। नेपाल राष्ट्र बैंकले मंगलबारको लागि विदेशी मुद्राको विनिमय दर सार्वजनिक गर्दै अमेरिकी डलर एकको खरिद मुल्य १३१ रुपैयाँ ४८ पैसा र विक्री मूल्य १३२ रुपैयाँ ०८ पैसा तोकिएको छ। सोमबार अमेरिकी डलर एकको खरिद मुल्य १३२ रुपैयाँ ०६ पैसा र विक्री मूल्य १३२ रुपैयाँ ६६ पैसा रहेको थियो ।
यता, युरोपियन युरोको मूल्य एकको खरिददर १४० रुपैयाँ ३० पैसा र विक्री दर १४० रुपैयाँ ९४ पैसा कायम रहेको छ। अष्ट्रेलियन डलर एकको खरिदर ९० रुपैयाँ ८४ पैसा र बिक्रीमा ९१ रुपैयाँ २५ पैसा कायम रहेको राष्ट्र बैंकले जनाएको छ। यस्तै, क्यानेडियन डलर एकको खरिददर ९८ रुपैयाँ १४ पैसा र बिक्रीदर ९८ रुपैयाँ ५९ पैसा,
सिंगापुरे डलर एकको खरिददर ९८ रुपैयाँ ५६ पैसा र विक्री दर ९९ रुपैयाँ ०१ पैसा रहेको छ। जापानी येनमा १० एकको खरिदमा ९ रुपैयाँ ९२ पैसा र विक्रीमा ९ रुपैयाँ ९६ पैसा, चाइनिज युआन एकको खरिददर १९ रुपैयाँ ३८ पैसा र बिक्रीदर १९ रुपैयाँ ४६ पैसा रहेको छ।
यता, साउदी अरेवियन रियाल एकको खरिदमूल्य ३४ रुपैयाँ ९९ पैसा र बिक्रीमूल्य ३५ रुपैयाँ १५ पैसा, कतारी रियाल एकको खरिददर ३५ रुपैयाँ १९९ पैसा र बिक्रीदर ३६ रुपैयाँ १५ पैसा र मलेसियन रिंग्गेट एकको खरिददर ३० रुपैयाँ ०५ पैसा र बिक्रीदर ३० रुपैयाँ १९ पैसा रहेको राष्ट्र बैंकले जनाएको छ।