नारायणगढ–मुग्लिन सडकखण्डअन्तर्गत चितवनको भरतपुर महानगरपालिका २९ सत्रकिलोबाट त्रिशूली नदीमा कार खस्दा एक दम्पती सामान्य घाइते भएका छन् ।
जिल्ला प्रहरी कार्यालय चितवनका अनुसार पोखराबाट झापातर्फ जाँदै गरेको बा १० च ४५५४ नम्बरको कार सोमबार बिहान आफैँ अनियन्त्रित भई त्रिशुली नदीमा खस्दा कार चालक झापा दमक नगरपालिका ३ बस्ने ५२ वर्षीय लीला भट्टराई र कारमा सवार उनकी श्रीमती ४० वर्षीया देउकला दाहाल सामान्य घाइते भएका हुन् ।
दुर्घटनापश्चात उनिहरुले बचाउनका लागि स्थानियलाई हार गुहार गरेका थिए । पौडी खेल्न जानेका लीला भट्टराई बाहिर निस्कने प्रयास गरिरहेका थिए । सोही क्रममा स्थानियहरु नदीमा पुगेर दम्पतीको उद्धार गरे ।
कार भने त्रिशूली नदीमा बेपत्ता भएको र खोजी कार्य भइरहेको जिल्ला प्रहरी कार्यालय चितवनका प्रवक्ता डिएसपी विजयराज पण्डितले जानकारी दिए ।